Суперлига. "Аждарлар"нинг "ҳаводаги қуроли" яна ишга тушди ёхуд "Насаф" марказий ўйинда ишончли ҳисобда ғалаба қозонди

Ўзбекистон Суперлигаси 13-туридан ўрин олган "Насаф" - ОКМК баҳси якунланди. Унда мезбонлар 2:0 ҳисобида зафар қучди. 

"Аждарлар" сафида голларга Хусниддин Алиқулов ва Матеус Лима Круз муаллифлик қилди. Меҳмонлар бугун гол уришнинг уддасидан чиқа олмади. 

Шу тариқа, "Насаф" 24 очко билан 2-ўринга чиқиб олди. 20 очкоси бор "кончилар" 5-поғонадан жой эгаллаган.

• 90+9'
  

  Учрашув якунига етди. "Насаф" ўз майдонида ОКМКни мағлуб этди - 2:0.

• 90+5'

  Алибек Давроновга нисбатан ўйин қоидаси бузилди. 

• 90+3'
  

  "Аждарлар" яна бир бурчак зарбасини ижро этди. Аммо уриниш бесамар кетди. 

• 90'
  

  Иккинчи таймга нақ 9 дақиқа вақт қўшиб берилди. 

• 88'
  

  Ботирали Эргашев қўпол хатога йўл қўйиши мумкин эди. Аммо бу вазиятда "Насаф" футболчиси ўйиндан ташқари ҳолатда қолгани маълум бўлди. 

• 86'

  Олмалиқ клуби футболчилари тўп билан. Улар позицион ҳужум амалга оширмоқда. 

• 82'
  

  ОКМК мураббийи Ҳикмат Эргашев ҳакам томонидан огоҳлантирилди. 

• 80'
  

  Ойбек Бозоровга нисбатан кескин қўполлик ишлатилди.

• 77'
  

  ОКМК таркибида икки ўзгариш. Санжар Турсунов ва Дилшод Аҳмадалиев ўрнига баҳсни Ойбек Рустамов ва Элдор Бегимов тугатиб қўяди. 

• 74'

  "Насаф"нинг қарши ҳужумини олмалиқлик ҳимоячилар қайтариб қолди. 

• 70'

  Алиқуловнинг жарима зарбасидан амалга оширган ижросига аниқлик етишмади. Тўп дарвоза устуни ёнидан ўтиб кетди. 

• 68'

  Алиқуловни иккинчи қаватда тўхтатиб бўлмаяпти. У яна бош билан рақиб дарвозасини нишонга олди. Аммо бу сафарги уриниш ноаниқ кўриниш олди. 

• 67'
  

  Баҳром Абдураҳимов ўрнига Суҳроб Нуриллоев ўйинни якунлаб қўяди. 

• 65'
  

  Акмал Мозговойга тиббий ёрдам кўрсатилди. У тезда майдонга қайтди.

• 63'

  Амоновнинг Ботирали Эргашев дарвозаси томон йўллаган зарбасидан сўнг Анзур Исмоилов тўпни ажойиб тарзда қайтаришга эришди. 

• 61'

  ОКМК ҳужумкорликни оширди, "Насаф" орқароққа ўтиб ўйнамоқда. 

• 58'
  

  "Насаф"да ҳам ўзгариш. Лима Круз ўз ўрнини Азиз Амоновга бўшатиб берди. 

• 56'
  

  ОКМК таркибида икки ўзгариш. Миржамол Қосимов ўрнига Сияваш Ҳақназари, Акром Комилов ўрнига эса Виталий Денисов майдонга туширилди. 

• 55'

  Гадоевнинг жарима зарбасидан тепган тўпи ноаниқ кўриниш олди. 

• 53'

  Йўқ, ҳаммаси жойида. Ғиёсов ўйинни давом эттира олади. 

• 52'
  

  Хуршид Ғиёсов майдон марказида ётибди. У жароҳат олган кўринади. 

• 51'

  ОКМКнинг ҳужумлари бугун аввалгидек кескин ва шиддатли кўриниш олмаяпти. 

• 48'
  

  ГООООООООООЛ! Ойбек Бозоровнинг узатмасидан сўнг Матеус Лима Круз тўпни дарвозага жойлаб қўйди - 2:0!

• 46'
  

  Иккинчи тайм бошланди.

• 45+2'
  

  Биринчи тайм тугади. Ҳозирча "Насаф" Алиқуловнинг ягона голи эвазига ғалаба қозонмоқда - 1:0.

• 45'
  

  Биринчи бўлимга 2 дақиқа вақт қўшиб берилди. 

• 43'

  Вазият хавфли кўриниш олди, аммо "аждарлар" сафида тўпни қайтариб юборадиган футболчи топилди ва хавф бартараф этилди. 

• 42'
  

  Бурчак зарбаси ОКМК фойдасига!

• 40'

  Ойбек Бозоров майдон марказида ноаниқ пас берди ва тўп рақибга ўтиб кетди. 

• 38'

  "Кончилар"нинг ҳужуми рақиб ҳимоячиларининг ишончли ҳаракати эвазига бесамар якунланди. 

• 34'

  Тўп билан Қарши клуби футболчилари. Улар позицион ҳужум ташкил этишга уриниб кўрмоқда. 

• 31'

  Учрашув давом этади. 

• 30'

  Майдонда "cooling break"! Сув ичиб олиш учун танаффус эълон қилинди.

• 27'

  Меҳмонлар тўп назоратига эгалик қилиб турибди. 

• 24'

  "Аждарлар"нинг ҳужуми тобора хавфли кўриниш олмоқда. 

• 22'

  ОКМКнинг хавфли ҳужумини "Насаф" ҳимоячилари бартараф этди. 

• 20'

  Алибек Давроновнинг зарбасидан сўнг тўп рақиб ҳимоячиларига тегиб, майдон ташқарисига чиқиб кетди. 

• 17'

  Сидиқовнинг зарбаси дарвоза тўсини тепасидан ўтиб кетди. 

• 15'

  Энди "кончилар" майдонда устунликни қўлга олишга уриниб кўрмоқда. 

• 13'

  Мезбонлар тўп назоратига эгалик қилмоқда. 

• 10'

  Ухх. Алиқуловдан яна бош билан зарба. Бу сафар дарвоза тўсини ОКМКни яққол голдан қутқариб қолди.

• 9'
  

  Бурчак зарбаси мезбонлар фойдасига.

• 7'
  

  Анзур Исмоиловга сариқ карточка кўрсатилди. 

• 6'

  Насруллаевга нисбатан ўйин қоидаси бузилди. 

• 3'
  

  ГООООООООООООЛ! "Насаф" беллашувда ҳисобни очди. Хусниддин Алиқулов бурчак зарбасидан сўнг боши билан гол уришга муваффақ бўлди. 

• 1'
  

  Учрашувга старт берилди. "Насаф" футболчилари қизил, ОКМК вакиллари эса оқ рангли либосларда тўп тепади.

• *'

  Жамоалар майдонга чиқиб келди. Старт учун барчаси тайёр.