Суперлига. Бугун Андижон, Олмалиқ ва Навоийдаги ўйинлардан сўнг 7-турга якун ясалади
Ads

Хабарингиз бор жорий ҳафта мамлакатимизда Суперлиганинг 7-тур учрашувлари ўтказилмоқда.

Бугунгача мухлислар тур доирасидан ўрин олган “Пахтакор” – “Металлург” (2:1), “Локомотив” – “Қўқон-1912” (2:2), “Навбаҳор” – “Сўғдиёна” (3:1) ва “Бухоро” – “Насаф” (0:1) учрашувларига гувоҳ бўлишди.

Бугун эса яна 3та шаҳарда ўтказиладиган ўйинлар билан ушбу турга ҳам якун ясалади. Куннинг илк баҳси Андижонда маҳаллий “Андижон” ҳамда “Динамо” Самарқанд (17:20) ўртасида бошланади. Кейин эса АГМК – “Сурхон” (19:15) ҳамда “Қизилқум” – “Бунёдкор” (19:45) баҳси бўлиб ўтади.

Бизга етиб келган маълумотларга кўра “Спорт” телеканали “Андижон” – “Динамо” ҳамда “Қизилқум” – “Бунёдкор” учрашувларини жонли эфирда намойиш этишни режалаштирган.