Суперлига. "Бунёдкор" сўнгги дақиқаларда гол уриб, мағлубиятдан қутилиб қолди

Суперлиганинг 15-туридан ўрин олган "Бунёдкор" - ОКМК баҳси бўлиб ўтди. Учрашув 1:1 ҳисобида дуранг билан якунланди.

Биринчи бўлимда дарвозаларга йўл топилмади. Иккинчи таймнинг 62-дақиқасида рақиб ҳимоячисининг хатосидан сўнг Сияваш Хақназарий аниқ зарба йўллаб, ҳисобни очди. Учрашувнинг сўнгги палласида Суҳроб Иззатов ҳисобни тенглаштирди. 

Шу тариқа, иккала жамоа ҳам бир очкодан бўлишадиган бўлди.