Суперлига. "Динамо" — "Локомотив": ўзаро ўйинларда мутлақ тенглик

Ўзбекистон Суперлигасининг 7-туридан ўрин олган "Динамо" ҳамда "Локомотив" ўртасидаги баҳс олдидан жамоаларнинг ўзаро статистикаси диққатга сазовор кўриниш олмоқда.

Икки клуб шу кунга қадар миллий чемпионат доирасида 30 марта тўқнаш келган. Қизиғи, бу учрашувларда томонлар мутлақ тенг натижа қайд этган: ҳар икки жамоа ҳисобида 13 тадан ғалаба, яна 4 та ўйин дуранг билан якунланган.

Голлар борасида ҳам тўлиқ мувозанат сақланган — ҳар икки жамоа рақиб дарвозасига 44 тадан гол урган.

Энг йирик ғалабаларга тўхталадиган бўлсак, самарқандликлар рақибини бир баҳсда 5:0 ҳисобида мағлуб этган бўлса, "темирйўлчилар"нинг энг катта устунлиги 5:1 натижа бўлиб турибди.

Шу тариқа, 12 апрель куни бўлиб ўтадиган навбатдаги тўқнашув нафақат тур жадвали, балки ўзаро тарихий мувозанат нуқтаи назаридан ҳам катта аҳамият касб этади.