Суперлига. Дориев Табатадзедан ўтиб кетди ёхуд 11-турдан сўнг тўпурарлар билан танишинг!

Суперлига 11-туридан ўрин олган "Локомотив" - "Динамо" учрашувида меҳмонлар 2:0 ҳисобида зафар қучди. Дастлаб, Абдуллаев ҳисобни очган бўлса, 37-дақиқада Ҳожимирзаев ажойиб рейди билан гол урди. 

Куннинг иккинчи баҳсида "Олимпик" - ОКМК жамоалари ўзаро куч синашди. Унда меҳмонлар ягона гол эвазига ғалаба қозонди. Ўйиннинг 82-дақиқада Ғиёсон пенальтидан гол уриб, ҳисобни очди ва ушбу гол беллашув тақдирини ҳал қилди. 

Шу тариқа, Ўзбекистон Суперлигаси 11-тур учрашувлари якунланди. ОКМК турнир жадвалида пешқадамга айланиб олган бўлса, "Сўғдиёна" ҳужумчиси Люпче Дориев тўпурарлар жадвалида етакчига айланиб олди. Қуйида тўпурарлар жадвали билан танишинг.