Суперлига. "Металлург" АГМКга қарши Бекободдаги баҳсларда катта устунликка эга!

Мамлакат чемпионатлари учрашувлари орасида Тошкент вилояти жамоалари дербиси энг муросасиз ўтадиган ўйинлардан ҳисобланади. Бу жамоалар 2008 йилдан буён 28 та ўзаро учрашув ўтказган бўлса, шулардан фақат 3 тасида дуранг натижа қайд этилган. Бекободликлар вилоят дербисининг 12 та ўйинини ўз фойдаларига якунлаган. 13 та учрашувда эса олмалиқликларнинг қўли баланд келган.

Киритилган ва ўтказиб юборилган тўплар нисбати 50:47, олмалиқликлар фойдасига. Ушбу жамоаларнинг Бекободда кечган ўйинлари тарихига эътибор беринг: Тошкент вилоятининг энг шимолий шаҳрида бу жамоалар 14 марта тўқнаш келган. Уларнинг 11 тасида мезбонлар ғалаба қозонган, 2 та ўйинда меҳмонларнинг қўли баланд келган бўлса, яна 1 та учрашувда кучлар тенг келган.

Қуйида Бекободда бўлиб ўтган барча учрашувлар натижалари билан танишинг:

13.11.2008 Металлург – ОТМК – 1:1
05.11.2009 Металлург – Олмалиқ – 3:2
24.04.2010 Металлург – Олмалиқ – 1:0
09.09.2011 Металлург – Олмалиқ – 4:3
04.09.2012 Металлург – Олмалиқ – 4:3
31.05.2013 Металлург – Олмалиқ – 2:1
03.08.2014 Металлург – Олмалиқ – 3:2
21.10.2015 Металлург – Олмалиқ – 4:2
18.08.2016 Металлург – Олмалиқ – 4:2
26.10.2017 Металлург – Олмалиқ – 3:2
10.05.2018 Металлург – Олмалиқ – 0:1
27.07.2019 Металлург – АГМК – 2:1
12.09.2020 Металлург – АГМК – 1:0
21.10.2021 Металлург – АГМК – 0:1

“Металлург” футбол жамоаси 1966-88 йиллар мобайнида собиқ Иттифоқ чемпионатининг иккинчи лигасида ўйнаган. 2004 йилдан ОТМК номи билан мамлакат биринчилигида қатнашган. 2008 йилда мазкур клуб тарихида янги бурилиш ясалди. Ўзбекистон футбол федерациясининг қарорига биноан жамоа олий лига аъзосига айланди.

Шу йиллар давомида "кончилар" кучлилар сафида 391 та ўйин ўтказди. Шулардан 146 тасини ўз фойдасига ҳал этган бўлса, 85 учрашувда дуранг ўйнаган, 160 та ўйинда имкониятни бой берган. АГМК рақиблари дарвозасига 538 та тўп киритган ҳолда ўз дарвозасидан 554 та гол ўтказиб юборган. АГМКнинг олий лигадаги энг йирик ҳисобдаги ғалабаси – 7:1 (“Қўқон 1912”, 2019), энг йирик ҳисобдаги мағлубияти эса – 0:6 (“Пахтакор”, 2020).

Кейинги йилларда АГМК Ўзбекистон чемпионати ва Кубоги баҳсларида муваффақиятли иштирок этиб келмоқда. Жамоа уч марта Ўзбекистон кубогининг финалида ўйнаб (2018-2020), биринчи финалида Ўзбекистон кубоги соҳибига айланганди. 2020, 2021 йилги мавсумларда эса Ўзбекистон чемпионатида бронза медалига сазовор бўлди.

"Металлург" матбуот хизмати