Суперлига. ОКМК "Насаф"ни қувиб ўтиб, етакчига айланиб олди

Суперлиганинг 12-туридан ўрин олган ОКМК - "Пахтакор" ўйинида мезбонлар 4:2 ҳисобида зафар қучди. 

Дастлаб, Черан ҳисобни очган бўлса, Сентоку имкониятларни тенглаштириб қўйди. Тайм сўнггида Абдумажидов жамоасини олдинга олиб чиқди, лекин иккинчи бўлимда сўнгги дақиқаларда олмалиқликлар 3 та гол билан ғалабани илиб кетди. 

"Бунёдкор" - "Олимпик" учрашувида эса томонлар дурангга имзо чекди. 

Ўйинда ҳисобни Абдуҳолиқов очишга муваффақ бўлди. Шунингдек, мезбонлар таркибидан иккита футболчига қизил карточка кўрсатилди. 59-дақиқада эса Раҳимжонов имкониятларни тенглаштирди. Сўнгги дақиқаларда эса меҳмонлар пенальтига эга чиқишди, лекин Алишер Одилов имкониятдан фойдалана олмади. 

Бугунги учрашувлардан кейин турнир жадвали қуйидагича кўринишга келди.