Superliga. "So‘gdiyona" — "Bunyodkor": statistika mehmonlar tomonida

O‘zbekiston Superligasining 8-turida Jizzaxda "So‘g‘diyona" o‘z maydonida Toshkentning "Bunyodkor" jamoasini qabul qiladi.

Uchrashuv 19 aprel kuni soat 16:00'da Zomin stadionida bo‘lib o‘tadi. Bellashuvni “Sport TV” orqali jonli efirda kuzatish mumkin.

O‘zaro o‘yinlarda qaysi jamoa ustun?

Ikki jamoa shu kungacha 32 marta o‘zaro maydonga tushgan. Ularning 19 tasida “Bunyodkor” g‘alaba qozongan bo‘lsa, “So‘g‘diyona” faqat 5 marta zafar quchgan. Yana 8 ta bahs durang bilan tugagan.

To‘plar nisbati ham mehmonlar ustunligini ko‘rsatmoqda — 58:26.

Eng yirik natijalar:

“So‘g‘diyona” o‘z tarixida raqibini eng yirik hisobda 4:0 bilan mag‘lub etgan. “Bunyodkor” esa jizzaxliklar ustidan 6:1 hisobidagi yirik g‘alabani qayd etgan.

Statistika “Bunyodkor” foydasiga bo‘lsa-da, o‘z maydonidagi “So‘g‘diyona” bu gal raqamlarni o‘zgartirishga urinib ko‘radi.