Superliga tanaffusga chiqdi, ammo futbol davom etadi

Kecha bo‘lib o‘tgan "Neftchi" va "Paxtakor"  o‘rtasidagi bahsdan so‘ng Superliganing birinchi davrasiga yakun yasaldi. Ammo bu bilan yurtimizda futbol batamom to‘htab qolmadi.

Bugun "Olimpik mobiuz" va "Xorazm" o‘rtasidagi bellashuv bilan O‘zbekiston kubogi 1/8 final o‘yinlariga start beriladi. Xozirda ikkala jamoa xam nufuzi jihatdan Superligadan keyingi o‘rinda turuvchi Pro liga musobaqasida ishtirok etishmoqda. To‘g‘ri tarkib jihatidan ular "Buhoro" va "Mash’al" kabi klublarga raqobat tug‘dira olmas. Ammo xar bir o‘yinda, xar qanday raqibga qarshi munosib kurash va chiroyli futbol taklif eta olmoqda.

Shu yil xisobidan jamoalar uchinchi marotaba to‘qnash keladi. Ilk qarama-qarshilik pro liganing 1-turi doirasida bo‘lib o‘tgan. Unda horazmlikliklar Mo‘min Melievning kiritgan to‘pi evaziga yutuqni qo‘lga kiritgandi. 8-turga kelib klublar o‘rtasidagi ikkinchi o‘yin o‘tkazilgan va yosh olimpiyachilar 2:0 hisobida g‘alaba qozonib, o‘ziga xos revansh olishni uddasidan chiqishgandi.

Bugungi ehtimoliy muvaffaqiyat evaziga esa qaysidir jamoa o‘zaro o‘yinlardagi ustunlikni o‘z tomoniga og‘dirib olishi mumkin. Eng asosiysi, mag‘lub tomon kubokdagi yurishini to‘htatadi.  Demak xar ikkala klubning amalda yo‘qotadigan xech narsasi yo‘q. Shuning uchun xam navbatdagi tomoshabop futbolni ko‘rishimiz ehtimoli katta. 

“Olimpik mobiuz” va “Xorazm” o‘rtasidagi bahsni soat 20:30 dan e’tiboran “Foreign Languages” telekanali orqali tomosha qilishingiz mumkin