Суперлигада ҳали мағлуб бўлмаган “Сўғдиёна” ва ВАР “Қўқон-1912” майдонига келмоқда

Бугун Суперлига 9-тур доирасидан ўрин олган “Қўқон-1912” – “Сўғдиёна” учрашуви Қўқон шаҳрида бўлиб ўтади. Мазкур баҳс олдидан қўқонликлар матбуот хизмати жамоаларнинг ўзаро ўйинлардаги статистик маълумотларини тақдим этди.

Ўзаро ўйинлар

Бу жамоалар шу пайтга қадар чемпионат доирасида 30 марта тўқнаш келишган. Ўйинларнинг 9 тасида "Қўқон-1912" вакиллари зафар қучган, 14 баҳсда жиззахликларнинг қўли баланд келган. Еттита учрашувда дуранг натижа қайд этилган. Тўплар фарқи: 48-35, “Сўғдиёна” фойдасига.

Ўзаро ўйинларда “Қўқон-1912” 34 очкони қўлга киритган. “Сўғдиёна””нинг очкоси 49 тани ташкил этади.

Қўқонда бўлиб ўтган сўнгги бешта учрашувда қайд этилган натижалар:
14.03.2020 Қўқон-1912 - Сўғдиёна - 2:1
30.07.2019 Қўқон-1912 - Сўғдиёна - 1:2
25.11.2018 Қўқон-1912 - Сўғдиёна - 0:0
29.07.2018 Қўқон-1912 - Сўғдиёна - 2:1
20.06.2017 Қўқон-1912 - Сўғдиёна - 3:2

Ҳакамлар
Қўқонга VAR келади

18 май куни Қўқондаги "Марказий" стадионида бўлиб ўтадиган "Қўқон-1912" - "Сўғдиёна" учрашувини ФИФА хаками Ильгиз Танташев бошқариб борадиган бўлди. Танташев водийликларнинг Суперлига 7-тур доирасидаги "Андижон"га қарши бўлиб ўтган учрашувида ҳам ишлаган эди. Орадан бир тур ўтиб Танташев яна "Қўқон-1912" иштирокидаги баҳсга тайинланди. Шунингдек 9-турга келиб Қўқонга VAR тизими ҳам келади.

"Сўғдиёна" жамоасини ҳали Суперлигада мағлуб бўлмаганини ҳисобга олсак, мазкур беллашув муросасиз ўтишини тахмин қилиш қийин эмас.

Суперлига. 9-тур
18 май, сешанба
17:30. ҚЎҚОН-1912 – СЎҒДИЁНА
Ҳакамлар: Илгиз Танташев, Андрей Цапенко, Тимур Гайнулин, Элёр Турсунов
Назоратчи: Валентин Коваленко
VAR ҳаками: Азиз Асимов
VAR ассистенти: Александр Сидоров
VAR назоратчи: Владислав Цейтлин
Оператор: Шерали Жоналиев
Техник мутахассис: Муҳитдин Қамбаров
Комиссар: Лазиз Қўчқоров