Суперлигада тўпурарлар пойгаси қизғин давом этмоқда: Орадаги фарқ катта эмас!

Ўзбекистон Суперлигасининг 11-туридан сўнг тўпурарлар рўйхатида ҳозирча "Сўғдиёна" ҳужумчиси Льюпчо Дориев пешқадам бўлиб турибди. У ўз ҳисобида 7 та гол билан якка етакчига айланган.

Унинг энг яқин таъқибчилари сифатида Достонбек Ҳамдамов, Стефен Чинеду ва Темурхўжа Абдухолиқов 6 тадан гол билан иккинчи поғонани бўлишиб туришибди.

Шунингдек, Стипе Перица ва Шерзод Эсанов ҳисобида 5 тадан гол мавжуд бўлиб, улар ҳам тўпурарлар пойгасида юқори ўринлар учун курашни давом эттирмоқда.

Мавсум қизғин паллага кириб борар экан, тўпурарлар ўртасидаги рақобат янада кучайиши кутилмоқда.