Superligaga qaytgan "Neftchi" derbida "Qo‘qon-1912"ni enga oladimi? Farg‘ona derbisi oldidan o‘zaro uchrashuvlar tarixiga nazar

Uch yillik tanaffusdan so‘ng Farg‘ona viloyatining ikki nomdor klubi - "Neftchi" va "Qo‘qon-1912" Superligada o‘zaro to‘qnash keladi.

Farg‘ona derbisi maqomiga ega bo‘lgan bahslarning statistikasiga nazar tashlasak, "Neftchi" milliy chempionat va O‘zbekiston kubogi doirasida "Qo‘qon-1912" jamoasi bilan jami 35 marta o‘zaro kuch sinashgan. Bularning 23 tasida "Neftchi" g‘alaba qozongan, 5 tasida durang natija qayd etgan va 7 tasida "Qo‘qon-1912"ning qo‘li baland kelgan. To‘plar nisbati esa 84-44 ("Neftchi" foydasiga). "Neftchi"ning eng yirik g‘alabasi 6:1 bo‘lsa, "Qo‘qon-1912"ning eng yirik g‘alabasi 3:1 hisobida yakunlangan.

Jamoalarning o‘zaro oxirgi 5 ta uchrashuvlarida quyidagi natijalar qayd etilgan:

Superliga-2018

10 may

"Qo‘qon-1912"-"Neftchi" 1:1

17 avgust

"Neftchi"-"Qo‘qon-1912 1:0

24 oktyabr

"Qo‘qon-1912"-"Neftchi 2:0

29 noyabr

"Neftchi"-"Qo‘qon-1912" 0:2

O‘zbekiston kubogi

30 may

"Qo‘qon-1912"-"Neftchi"2:1