Суперлиганинг биринчи даврасида ҳакамлар. Энг, энг, энг!

Cоcа Cола Суперлига 1-давра якунларига кўра қайси ҳакамлар энг кўп сариқ ва қизил карточка кўрсатгани ҳамда энг кўп пенальти белгилаганини биласизми?

Сариқ карточкалар бўйича Олий Лиганинг жами 7 та турида ишлаган Аскер Нажафалиев етакчилик қилмоқда. Унинг ҳисобида 7 та ўйинда кўрсатилган 46 та сариқ ва 5 та қизил карточка бор. Шунингдек, у жами бу баҳсларда жами 2 бор 11 метрлик нуқтага ишора қилган.

Қизил карточкалар бўйича етакчи ҳакам эса Раҳимбек Каримов саналади. Суперлиганинг 6 учрашувида ишлаган ушбу ҳакам чўнтагидан 7 марта қизил рангли карточкани чиқарган. Бундан ташқари, унинг ҳисобида 23 та сариқ карточка ҳам бор.

Пенальти белгилаш бўйича эса бирйўла 2 ҳакамимиз — Фирдавс Норсафаров ҳамда Азиз Асимов етакчи бўлиб турибди. Уларнинг ҳар иккиси умумий 5 марта 11 метрлик жарима зарбаси белгилаган.