Суперлиганинг бу турида “Турон” етакчи. “Локомотив”да эса акси

11-14 май кунлари Суперлигада 8-тур учрашувлари бўлиб ўтди. Натижалар билан сайтимиз орқали хабар бериб бордик.

Энди эса турга оид қизиқарли маълумотларни тақдим этмоқдамиз. Яъни анъанамизга содиқ қолган ҳолда тур мухлисларининг статистикасини таништирамиз.

“Насаф”нинг ОФК кубогида иштирок этиши боис “Машъал”га қарши ўйини кейинроққа қолдирилди. Шунинг учун 8-тур 6 учрашувдан иборат бўлди.

Бу гал стадионларимизга жами 13997 томошабин ташриф буюрди. Ҳар бир беллашувга ўртача 2333ни ташкил қилади.

Энг кўп мухлис “Турон” мураббийи Исломбек Исмоиловнинг истеъфосига сабаб бўлган Яйпандаги “Ўзбекистон” стадионида қайд этилди. Ушбу ўйиндан сўнг ёш мураббий лавозимини тарк этди. “Турон” – “Қизилқум” ўртасидаги баҳсни 5514 одам шоҳидига айланди.

Энг кам ишқибоз Тошкентда. “Локомотив” – “Металлург” беллашувини 970 томошабин кузатди. Қизиғи шундаки, “темирйўлчилар” уйда ўйнаса ҳам, сафарда ҳаракат қилса ҳам ўша учрашувга ташриф буюрганлар сони энг ками бўлмоқда. Аввалги турлар фикримизга исбот.

Турнинг марказий беллашуви АГМК – “Бунёдкор” қарама-қаршилигини 2044 мухлис бевосита стадиондан томоша қилди. Ўзига ҳос дерби саналган беллашув аввалги турги марказий ўйинда қайд этилган мухлислар статистикаси (1920)дан бироз яхшироқдир. Аммо номдор жамоалар ўйинига эътиборнинг камлиги дилни хира қилади.

Қуйида Суперлиганинг ушбу турига ташриф буюрган мухлислар статистикаси билан танишинг (мухлислар сони ПФЛ сайтидан олинди):

“Турон” – “Қизилқум” 0:1. 5514 томошабин

“Сўғдиёна” – “Андижон” 4:1. 2652 томошабин

АГМК – “Бунёдкор” 3:1. 2044 томошабин

“Навбаҳор” – “Сурхон” 2:0. 1560 томошабин

“Пахтакор” – “Қўқон-1912” 3:0. 1257 томошабин

“Локомотив” – “Металлург” 1:3. 970 томошабин

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Abbos Axmedov
15/05/2021 00:26
Одамларниям тушунчаси билими ақли бор. Ўзидан ўзи келормайди фудбол ишқибозлари хақийқий фудболни кургиси келадида. Турон мухлисларига маладец ўша клубниям омади тезро келсин ва турнир жадвалини тепа юқори ўринларига чиқибкетсин. Энг зўр кўришга арзийдигон хақийқий ўйин тан олиб айтаман Агмк бунёдкор ўйини бўлди шидат ва матон'ат ирода кўрсатди Агмк қани эди хар бир жамоалар шундай тепмда ўйнаса жамоалар даражасиям тенгма тенг бўлса чемпионатимиз интиригаси чемпионатимиз охиригача борсада сунги турларда зўрға ЧЕМПИОН жамоа аниқланса. Афсус бу фақат хозирча орзу бутун ўзбекистон ахолиси билади бизни хозирги фудболимизда хали хам халолик йўқ бу бизнинг жудаям ориқлик ва ачинарли котастроф деса хам бўлади.

Минбар

Барча блоглар