Superliganing bu turida “Turon” etakchi. “Lokomotiv”da esa aksi

11-14 may kunlari Superligada 8-tur uchrashuvlari bo‘lib o‘tdi. Natijalar bilan saytimiz orqali xabar berib bordik.

Endi esa turga oid qiziqarli ma’lumotlarni taqdim etmoqdamiz. Ya’ni an’anamizga sodiq qolgan holda tur muxlislarining statistikasini tanishtiramiz.

“Nasaf”ning OFK kubogida ishtirok etishi bois “Mash’al”ga qarshi o‘yini keyinroqqa qoldirildi. Shuning uchun 8-tur 6 uchrashuvdan iborat bo‘ldi.

Bu gal stadionlarimizga jami 13997 tomoshabin tashrif buyurdi. Har bir bellashuvga o‘rtacha 2333ni tashkil qiladi.

Eng ko‘p muxlis “Turon” murabbiyi Islombek Ismoilovning iste’fosiga sabab bo‘lgan Yaypandagi “O‘zbekiston” stadionida qayd etildi. Ushbu o‘yindan so‘ng yosh murabbiy lavozimini tark etdi. “Turon” – “Qizilqum” o‘rtasidagi bahsni 5514 odam shohidiga aylandi.

Eng kam ishqiboz Toshkentda. “Lokomotiv” – “Metallurg” bellashuvini 970 tomoshabin kuzatdi. Qizig‘i shundaki, “temiryo‘lchilar” uyda o‘ynasa ham, safarda harakat qilsa ham o‘sha uchrashuvga tashrif buyurganlar soni eng kami bo‘lmoqda. Avvalgi turlar fikrimizga isbot.

Turning markaziy bellashuvi AGMK – “Bunyodkor” qarama-qarshiligini 2044 muxlis bevosita stadiondan tomosha qildi. O‘ziga hos derbi sanalgan bellashuv avvalgi turgi markaziy o‘yinda qayd etilgan muxlislar statistikasi (1920)dan biroz yaxshiroqdir. Ammo nomdor jamoalar o‘yiniga e’tiborning kamligi dilni xira qiladi.

Quyida Superliganing ushbu turiga tashrif buyurgan muxlislar statistikasi bilan tanishing (muxlislar soni PFL saytidan olindi):

“Turon” – “Qizilqum” 0:1. 5514 tomoshabin

“So‘g‘diyona” – “Andijon” 4:1. 2652 tomoshabin

AGMK – “Bunyodkor” 3:1. 2044 tomoshabin

“Navbahor” – “Surxon” 2:0. 1560 tomoshabin

“Paxtakor” – “Qo‘qon-1912” 3:0. 1257 tomoshabin

“Lokomotiv” – “Metallurg” 1:3. 970 tomoshabin