Суперлиганинг янги мавсумига қачон қуръа ташланиши аниқ бўлди

Суперлига футбол клублари янги мавсумни қайси стадионда бошлаши маълум бўлди. U20 Осиё кубогининг параллел старт олиши чемпионат учун қатор ноқулайликлар келтириб чиқариши табиий. Лига уларга аниқ ечимлар топиш устида иш олиб боряпти.

Режага кўра, Суперлиганинг янги мавсуми 3 март куни старт олади. “Насаф” Чемпионлар лигасида иштирок этишидан келиб чиқиб, Ўзбекистон Суперкубоги ўйини Суперлига старти олдидан эмас, балки 14 март куни бўлиб ўтиши режалаштирилганди. Аммо Ўзбекистон миллий терма жамоасининг март ойи учун режасидан келиб чиқиб, Суперкубок санаси яна ўзгариши мумкин. Бу ҳақда кейинроқ батафсил маълумот берилади.

7 февралm куни эса Суперлига янги мавсумига қуръа ташланади. Жараён 21:00 дан бошлаб “Спорт” телеканали орқали жонли эфирга олиб чиқилади.

U20 Осиё кубогидан келиб чиқиб, Лига қуръа олдидан футбол жамоатчилиги эътиборини қуйидаги масалага қаратади. Март ойидаги ФИФА кунларига қадар “Нефтчи”, “Бунёдкор”, АГМК ёки “Олимпик” футбол клублари ўзаро тўқнаш келиб қолса, катта эҳтимол билан улар иштирокидаги ўйинлар бошқа санада ўтказилади. Мазкур жамоалар дастлабки турлар давомида уй учрашувларини бошқа клубларга қарши ўтказишига тўғри келса, мазкур беллашувлар автоматик равишда рақиб майдонига кўчирилади. Қолган барча ҳолатга қуръа жараёнида батафсил тушунтириш берилади.