Суперюлдуз ўзига янги жамоа танлади

Англия терма жамоасининг етакчисига айланган Жуд Беллингем нималарга қодирлигини Қатар майдонларида ҳам кўрсатиб келмоқда.

“Боруссия” футболчисини бир неча клуб ўз сафига чорлаётган бир пайтда Жуднинг оила аъзолари ўйинчи қаерга боришини муҳокама қилиб, бир қарорга келди.

Sport Bild нашрининг ёзишича, Беллингемлар оиласи 19 ёшли ярим ҳимоячининг “Ливерпуль”га ўтишини энг мақбул вариант сифатида баҳоламоқда.

Беллингем “Боруссия” сафига 2020 йилнинг ёзида “Бирмингем Сити”дан  25 миллион еврога трансфер қилинган эди. Шундан бери жами 112 та учрашувда майдонга тушиб, 19 та гол ва 21 та ассист муаллифи бўлди.