"Сурхон" - "Қўқон-1912" учрашувида ғолиб номи аниқланмади

Ўзбекистон Суперлигаси 3-туридан ўрин олган "Сурхон" - "Қўқон-1912" учрашуви ўз якунига етди. Унда томонлар 1:1 ҳисобидаги дурангга имзо чекди.

Дастлаб, Мурод Холмуҳаммедов ҳакам томонидан белгиланган пенальтини аниқ амалга ошириб, жамоасини олдинга олиб чиқди. Бу голга майдон эгалари Асрор Ғофуровнинг 77-дақиқада йўллаган аниқ зарбаси эвазига жавоб қайтаришни уддалади.

Шу тариқа, қўқонликлар 3-турдан кейин ҳисобидаги очколарини 5 тага етказиб олди. "Сурхон" эса 4 очко жамғарган.

• 90+4'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+2'

  Сўнгги сонияларда мезбонлар фаолликни оширди. Бу сафар Бобожоновнинг зарбаси хавфли, аммо ноаниқ чиқди.

• 90+1'

  "Сурхон" ғалабани илиб кетиши мумкин эди. Бироқ зарбага аниқлик етишмади.

• 90'
  

  Ўйиннинг асосий вақтига 4 дақиқа қўшиб берилди.

• 88'
  

  Холмуҳаммедовнинг зарбасидан кейин тўпни дарвозабон қайтарди.

• 87'

  Қўқонликлар жарима майдони яқинида стандарт вазиятга эга бўлди.

• 86'

  Термизликлар рақиб ҳужумларини кетма-кет бартараф этмоқда.

• 84'
  

  Ҳакамнинг қарорига жиддий эътироз билдирган "Сурхон" мураббийига сариқ карточка кўрсатилди.

• 82'
  

  Фарҳод Бекмуродовга сариқ карточка кўрсатилди.

• 80'

  Гол ўтказиб юборган меҳмонлар фаолликни оширмоқда

• 77'
  

  ГООООООООООООООООООЛЛЛЛЛЛЛЛЛЛЛЛЛЛЛ! Мезбонлар ҳисобни тенглаштирди!

  Асрор Ғофуров қанотдан етказиб берилган тўпни дарвозага жойлаб қўйди.

• 75'
  

  Мезбонлар таркибида Пиримов ва Холтўраев ўрнига Эсонқулов ва Абдураҳмонов тушди.

• 73'

  "Қўқон-1912" футболчилари стандарт вазиятдан наф чиқара олмади.

• 71'

  Ўйин тенг курашлар остида давом этмоқда.

• 68'

  Футболчилар ҳакамнинг қароридан норози бўлиб, тортишиб кетди.

• 66'
  

  Иван Йосовичга сариқ карточка кўрсатилди.

• 64'
  

  Якуба Бамба ўрнига Иқбол Маликжонов майдонга тушди.

• 63'

  Ўйин темпи ошди. Томонлар фаоллик намойиш этяпти.

• 61'

  "Сурхон" футболчисининг жарима майдонига оширган тўпига ҳеч ким етолмади.

• 59'

  Зоҳир Пиримовнинг жарима майдони ташқарисидан йўллаган зарбасини ҳимоячи дарвозагача ўтказмади

• 58'

  Футболчилар бироз асабларини жиловлаб олиши зарур. Ортиқча қўполликлар кўпайиб кетяпти.

• 56'
  

  "Сурхон" футболчиси майдон марказида ётибди. Шифокорлар унга ёрдам бериш учун етиб келди.

• 54'
  

  Муҳаммаданас Ҳасановга тиббий ёрдам кўрсатилди.

• 52'
  

  ГОООООООООООООООООЛЛЛЛЛЛЛЛЛЛЛЛЛЛ! Учрашувда ҳисоб очилди!

  Нуқта қаршисига келган Мурод Холмуҳаммедов ўзидан ўнг томонга зарба йўллаб, дарвозани ишғол этди.

• 51'
  

  Шоҳназар Норбеков жарима майдони ичида қоида бузиш эвазига тўхтатилди. Ҳакам пенальти белгилади.

• 48'

  Қўқонликлар иккинчи таймда ҳам тўп назоратини ўзларида ушлаб турибди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+1'
  

  Танаффус!

• 45'
  

  Биринчи таймга 1 дақиқа қўшиб берилди

• 43'

  Тўп назорати ҳамон қўқонликларда бўлиб турибди.

• 41'

  Биринчи тайм сўнгига келиб меҳмонлар фаолликни оширмоқда.

• 39'
  

  Бурчакдан етказиб берилган тўпни "Сурхон" футболчилари қайтарди.

• 38'

  Меҳмонлар бурчакдан тўпни ўйинга киритиш имкониятини қўлга киритди.

• 36'

  Стандартдан кейин рақиб дарвозаси олдида яна бир вазиятни юзага келтирди.

• 33'
  

  "Қўқон-1912" яна бир бурчак зарбасидан наф чиқара олмади.

• 32'

  Ашурматов шогирдлари яхши комбинациялар уюштириб, мазмунли ҳужумлар ташкил этяпти.

• 30'

  Муҳаммаданас Ҳасановнинг жарима майдони ташқарисидан йўллаган зарбасига аниқлик етишмади.

• 28'

  Фарҳод Бекмуродовнинг зарбасидан кейин тўп ҳимоячига тегиб, ўз йўналишини ўзгартирди.

• 27'

  Тўп назорати сурхондарёликлар томонга ўтди. Энди улар майдон марказида тўпни ушлаб турибди.

• 24'

  Майдон эгаларининг стандарт вазиятдан оширган тўпини рақиб ҳимоячилари узоқлаштирди.

• 22'

  Қўқонликлар марказда тўпни назорат қиляпти.

• 20'

  "Сурхон" дарвозабони тўпни узоқлаштиришда хатога йўл қўйди. Бироқ атрофдаги ҳимоячилар тўпни узоқлаштирди.

• 18'

  Ҳолмуҳаммедовнинг жарима майдонига оширган тўпини дарвозабон ушлаб олди.

• 17'

  Меҳмонлар жарима майдонига яқин ҳудудда стандарт вазиятга эга бўлди.

• 14'

  "Сурхон" футболчисининг жарима майдонига узатган тўпи дарвоза томон йўналди. Аммо тўп дарвозага кирмади.

• 12'

  Майдон эгалари Ашурматов шогирдларининг фаоллигини тўхтатишга эришди.

• 10'

  Муҳаммаданас Ҳасановнинг зарбасидан кейин тўп ноаниқ кетди.

• 8'

  Бекмуродов майдон марказида хатога йўл қўйди. Жамоадошларини унинг хатосини тўғирлади.

• 5'

  Тўп қўқонликларда. Улар марказда назоратни қўлга олмоқда

• 3'

  Меҳмонлар дастлабки дақиқалардан фаоллик намойиш этмоқда.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!