"Сурхон" ўйин вақтини чўзмаганлиги ва Суперлигани марказлаштириш ҳақида – Равшан Ҳайдаров иштирокидаги матбуот анжумани

Coca Cola Суперлига 9-тури доирасида бўлиб ўтган “Андижон” ҳамда “Сурхон” жамоалари ўртасидаги учрашувдан сўнг ўтказилган матбуот анжуманида “Сурхон” жамоаси бош мураббийи Равшан Ҳайдаров иштирок этди. Бу ҳақда "Андижон" матбуот хизмати хабар бермоқда.

- "Ўйиннинг аҳамияти жуда юқори эди. Жадвалда ёнма-ён турган жамоалар учрашди. Муҳими, ғалаба қозонишимиз керак эди. Шу сабабли, ғалабага мос ўйин ўтказишга қарор қилган эдик. Йигитларимиз кўрсатмаларимизни тўғри бажаришди.

- “Сурхон” сўнгги дақиқаларда ўйин вақтини чўзгандек туюлди...

- Буни ўйин чўзиш демаган бўлардим. Мен дарвозабондан доим тўпни эгаллаб олиб, шерикларини излашлариши сўрайман. Чунки, тўпни тепиб юборавергандан фойда нима? Шу сабабли, у шундай қилди.

- Чемпионатни марказлаштириш ҳақида қандай фикрдасиз?

- Тақвим борасида Термизда иккинчи ўйин ўтказишимиз керак эди. Уй ўйинларини ўз майдонимизда ўтказиш ниятида эдик. Лекин, пандемия кучайиб бораётгани учун буни имконияти йўққа ўхшайди.

Фикрлар

Фикр қолдириш учун авторизациядан ўтинг!