Таэквондо. 10 нафар спортчимиз Жаҳон чемпионатида шоҳсупага кўтарилди, Ҳасанова "Энг яхши таэквондочи қиз" деб топилди

Болгариянинг София шаҳрида таэквондо WT бўйича кадетлар ўртасидаги Жаҳон чемпионати якунига етди.

Мусобақада ўзбекистонлик 16 нафар таэквондочи иштирок этди ва уларнинг 10 нафари совриндор бўлди. Лайло Ҳасанова барча рақибаларини мағлуб этиб, Жаҳон чемпиони бўлди. Мусобақа ташкилотчилари айнан Ҳасановани "Энг яхши таэквондочи қиз" деб топишди.

Жаҳон чемпионатида совриндор бўлган барча ўзбекистонлик таэквондочилар:

Олтин - Лайло Ҳасанова
Кумуш - Дилмурод Маъруфжонов
Бронза - София Хан
Бронза - Аҳаджон Мухторов
Бронза - Жавоҳир Ҳидоятов
Бронза - Нигора Аъзамжонова
Бронза - Омина Эргашева
Бронза - Розалина Толибжанова
Бронза - Оминахон Камалова
Бронза - Мубина Бобосаидова.

Ўзбекистон таэквондо WT ассоциацияси матбуот хизмати