Таэквондо. Жасур Жайсунов Осиё чемпиони!

Жанубия Кореянинг Чунчеон шаҳри мезбонлик қилаётган таэквондо бўйича Осиё чемпионатида терма жамоамиз иккинчи олтин медалини қўлга киритди. Бу гал -74 кг вазн тоифасида юртимиз шарафини ҳимоя қилган Жасур Жайсунов қитъа чемпионлиги номига сазовор бўлди.

Ҳамюртимиз финалда жаҳон чемпионатининг кумуш медали соҳиби, 2018 йил Индонезияда ўтган Осиё ўйинлари ғолиби эронлик Мирҳошим Ҳоссайнига қарши баҳс олиб борди. Шиддатли зарбалар ва кескин рақобат остида кечган баҳсда Жайсунов тажрибали рақибини мағлуб этди.

Шунингдек, -62 кг вазн тоифасида даянга чиққан Феруза Садикова бронза медалини қўлга киритди. Вакиламизга эронлик Настаран Вализодага қарши кескин курашларга бой кечган баҳсда бироз омад етишмади.

Шу тариқа, терма жамоамизнинг мусобақада қўлга киритган медаллари 2 та олтин, 1 тадан кумуш ва бронзани ташкил этмоқда.

 

Фикрлар

Фикр қолдириш учун авторизациядан ўтинг!