Таэквондо. Рим Гран-присида илк медаль қўлга киритилди!

Италия пойтахти Рим шаҳрида Бутунжаҳон таэквондо Гран-при мусобақаси якунига етмоқда.

Бугун -80кг вазнда ўзбекистонлик Шуҳрат Салаев иорданиялик, хорватиялик ва испаниялик таэквондочиларни мағлуб этиб, ярим финалга қадар етиб келганди.

Финал йўлланмаси учун баҳсда ҳамюртимиз мисрлик Сейф Эиссага қарши даянга чиқди. Дастлабки раундда Салаев ғалаба қозонди, афсуски, кейинги икки раундда рақиб устун келди - 1:2. Шундай қилиб, Шуҳрат Салаев Рим Гран-присида бронза медалини қўлга киритди.

Таэквондо федерацияси матбуот хизмати