Таэквондо WT. Улуғбек Рашитов йилни кумуш медаль билан якунлади

Саудия Арабистонида таэквондо WТ бўйича йилнинг якуний Гран-при мусобақаси ўз якунига етди.

Ўзбекистон Миллий Олимпия қўмитаси матбуот хизматининг хабар беришича, унда иштирок этган Токио-2020 ёзги Олимпия ўйинлари ғолиби Улуғбек Рашитов -68 кг вазн тоифасида кумуш медалга сазовор бўлди.

Ҳамюртимиз финалда иорданиялик Заид Каримга 1:2 ҳисобида имкониятни бой берди. Рашитов ушбу натижа эвазига ўз ҳисобига Париж-2024 Олимпиадаси учун 60 очкони қўшиб қўймоқда.