Tantashev boshchiligidagi hakamlarimiz Saudiya Arabistoni chempionatida "Al-Hilol" ishtirokidagi o‘yinni boshqarishadi

O‘zbekistonlik hakamlarga boshqa mamlakatlardan takliflar tushishiga oldin ham guvoh bo‘lgandik. Ya’ni, ayrim hakamlarimiz Osiyodagi boshqa milliy chempionatlarda ham o‘z vazifalarini bajarishgan. O‘FA matbuot xizmati yana bir bor o‘zbek hakamlarining chetga taklif qilingani haqida yozdi.

“Saudiya Arabistoni chempionatining navbatdagi turida o‘zbekistonlik hakamlar ishlaydigan bo‘ldi. Xususan, “Al-Hilol” – “Al Feyxa” uchrashuvida Ilgiz Tantashev bosh hakam vazifasini bajaradi, unga qanotlarda Andrey Tsapenko va Timur Gaynulin yordam beradi. Ahrol Risqullaev esa VAR hakami sifatida ishlaydi.

Shuningdek, “Al-Tai” – “Al-Nassr” uchrashuvida VAR hakami sifatida Asker Najafaliev faoliyat olib boradi”, - deyiladi matbuot xizmatining xabarida.

Eslatib o‘tamiz, mazkur o‘yinlar bugun bo‘lib o‘tadi.