Тарихи 100 йилдан ўтадиган клуб Роналдуга муштоқ

Португалиянинг “Ольяненсе” клуби “Ювентус” ҳужумчиси Криштиану Роналдунинг ёрдамига муштоқ. 108 йиллик тарихга эга клуб машҳур футболчига мурожаат қилиб, Португалия футбол федерацияси билан юзага келган тортишувни ижобий ҳал қилишда ёрдам сўраган.

- Биз, яқин дўстингиз Валдир Кардосо ўз фаолиятини бошлаган жамоа футболчиларимиз. Футболимизда муаммолар кўплигига қарамай, биз ҳақиқий профессионал бўлишга интиляпмиз. Пандемия туфайли мусобақа тўхтатилгунча биз турнир жадвалида биринчи ўринда эдик. Сиз тарихдаги энг зўр футболчилардан бирисиз. Бизга ёрдам беринг, - дейилади мактубда.

Маълумотларга қараганда, Португалия футбол федерацияси иккинчи лигага бошқа дивизион вакиллари - “Визела” ва “Арока” жамоаларини ўтказиб юборган. Ўз дивизионида пешқадамлик қилган “Ольяненсе” буни адолатсизлик деб ҳисобламоқда.

Иккинчи лигада ўйнаш истагини билдирган “Ольяненсе” мамлакат футбол  федерациядан рад жавобини олди. Энди улар Роналдунинг федерацияга таъсир ўтказишига ишонишмоқда.

Шомуродовга жиддий қизиқаётган “Шальке 04” тўпураридан айрилди

Супер трансфер. “Барселона” Лаутаро Мартинесни қўлга киритди