Профессионал бокснинг WBC йўналишида ўта оғир вазн чемпиони Тайсон Фьюри замонамизнинг энг ёрқин юлдузи эканини иддао қилмоқда.

- Бокс тарихидаги энг даҳшатли панчер билан тўқнаш келганимда мени ҳисобдан чиқаришган эди. Мени зарба кўтаролмайди, тухум чақишга ҳам кучи йўқ, дейишди. 10 нафар мураббийни алмаштирганим учун йўлимни тўсишди. Деонтей Уайлдер билан реванш жангидан олдин ҳам менга ҳеч ким ишонч билдирмади. Ҳозир эса мен энг ёрқин бокс юлдузиман. Мен ўша-ўша хунук, семиз, бесўнақай ва калман, - деди британиялик боксчи.

Тайсон Фьюри енгилмас боксчи Деонтей Уайлдер билан биринчи жангда дуранг қайд этганди. Жорий йилнинг февраль ойида бўлиб ўтган реванш жангида рақибини еттинчи раунда техник нокаутга учратиб, унинг чемпионлик камарини тортиб олди.