Тчуамени: "Месси ажойиб ўйинчи, лекин ..."

Франция терма жамоаси ярим ҳимоячиси Орельен Тчуамени Килиан Мбаппени дунёнинг энг яхши футболчиси деб билади.

Франция термаси ЖЧ-2022 ярим финал босқичида Марокашни 2:0 ҳисобида таслим этди. Дидье Дешам шогирдлари финалда Аргентинага қарши баҳс олиб боради. 

"Яна финалга чиққанимиздан жуда хурсандмиз. Энди Аргентинага қарши ўйнаймиз. Барча финаллар ақл бовар қилмайдиган даражада, лекин Мессига қарши ўйнаш янада яхшироқ. Сабаби у ажойиб ўйинчи. Мақсадимиз тезроқ тикланиб, якшанба кунги ўйинга тайёргарлик кўриш. 

Мен учун Мбаппе жаҳоннинг энг яхши футболчиси ва кейинги ўйинда буни исботлашини хоҳлайман. 

Мессига қарши ўйнаш жуда қийин. Биз уни тўхтатиш режасини тайёрлаймиз. Лео ажойиб ўйинчи, лекин уларнинг жамоасида бошқа кўплаб кучли футболчилар бор", - деди ярим ҳимоячи.