Тен Ҳаг Гакпо "Ливерпуль"га ўтганидан ғазабда!

Коди Гакпони қўлдан чиқарган "Манчестер Юнайтед" ҳужум чизиғига бошқа вариантларни қидирмоқда. 

ESPN нашрининг хабарига кўра, "қизил иблислар" бош мураббийи Эрик Тен Ҳаг Гакпо "Ливерпуль"га ўтаётганидан ғазабда. Бунга қарамасдан мутахассис ноябрда жамоани тарк этган Криштиану Роналду ўрнига футболчи харид қилинишига ишонмоқда. 

Манбанинг қўшимча қилишича, МЮ Гакпо борасида расмий таклиф юбормаган, чунки улар "Ливерпуль" берган суммани такрорлай олмаган.

Коди "Ливерпуль" учун бонуслар билан ҳисоблаганда 50 миллион еврога тушган. Гакпо ПСВ таркибида 24 та ўйинда 13 та гол уриб, 17 голга ассистентлик қилган.