Тен Хаг ҳамюртини Суперлига клубига бадарға қилмоқчи

“Манчестер Юнайтед” ярим ҳимоячиси Донни ван де Бек фаолиятини Туркия Суперлигасида давом эттириши мумкин.

ESPN хабарига кўра, 26 ёшли нидерландиялик футболчига "Фенербахче" ва "Галатасарой" клублари қизиқиш билдирмоқда. Манкунианликлар устози Эрик тен Хаг эса жамоага Мейсон Маунт ва Софиан Амрабат келганидан сўнг ҳамюртига эҳтиёж қолмаганини айтган.

Ўз навбатида мураббийнинг ушбу сўзларидан сўнг "Манчестер Юнайтед" раҳбарияти ван де Бек бўйича ҳар қандай таклифни кўриб чиқишга тайёр.

"Манчестер Юнайтед" 15 сентябргача, яъни Туркияда трансфер ойнаси ёпилгунга қадар келишувга эришиши керак.