Tennischimiz Turkiyada chempion bo‘ldi!

Tennis bo‘yicha O‘zbekiston terma jamoasi a’zosi Sanjar Fayziev Turkiya kortlarida o‘tkazilayotgan turnirda ishtirok etdi.

Juftlik bahslarida gretsiyalik Markos Kalovelonis bilan tandem hosil qilgan yurtdoshimiz barcha raqiblaridan ustun kelib, birinchi o‘rinni qo‘lga kiritdi. Hal qiluvchi bellashuvda Fayziev - Kalovelonis juftligi Gabriel Donev va Vlad Andrey Danku tandemini 5:7, 7:6 (7:3), 10:7 hisobida mag‘lubiyatga uchratdi.

Ma’lumot uchun, xuddi shu musobaqaning yakkalik bahslarida Fayziev chorak finalda Daniel Mixalski qarshiligini sindira olmay, o‘z yurishini to‘xtatishga majbur bo‘lgandi.