Теннисчимиз юришини Африкадан бошлади

Туниснинг Монастр шаҳрида Халқаро теннис федерацияси томонидан ўтказилаётган халқаро турнирда ёш теннисчимиз Дамир Абдусамадов муваффақиятли старт олди.

Асосий тўр баҳсларига чиқиш учун ўтказилаётган саралаш босқичида Дамир Абдусамадов финляндиялик Отсо Мартикаиненни 7:6, 6:1, 10:8 ҳисобида таслим этди.

Энди теннисчимиз иккинчи даврада германиялик Ноа Тюрнер билан рақобатлашади.

Афсуски, мазкур турнирдаги яна бир вакилимиз Илья Игнатов саралашнинг илк босқичида германиялик Стеван Поповичга имкониятни бой бериб қўйди.