Тер Штеген ёзда "Барселона"ни тарк этмайди

Марк-Андре тер Штеген сўнгги кунларда спорт залида машқ қилди. Дарвозабоннинг тўлақонли машғулотларда йўқлиги футболчи ва клуб ўртасидаги қарама-қаршилик билан боғлиқдек туюлди, аммо ундай эмас. Аслида 33 ёшли посбоннинг бел қисмида анча жиддий муаммолар борлиги аниқланган.

Ҳозир тер Штеген ва шифокорлар консерватив даволаш ва операция ўртасида энг яхши ечимни танлашга ҳаракат қилмоқда. Жарроҳлик амалиётидан сўнг дарвозабон тахминан тўрт ойни ўтказиб юборади, деб ёзади Испаниянинг Спорт нашри.

Шу тариқа, Марк-Андре тер Штеген ёзда "Барселона"ни тарк этмайди. У тикланади ва 2026 йилги жаҳон чемпионати олдидан мунтазам ўйнаш учун қишда янги жамоа қидириши мумкин.