Терма жамоа ўйинчисини ўғрилаб кетишди
Мексикада номаълум шахслар Уругвай терма жамоаси ўйинчиси Николас Фонсекани ўғрилаб кетди. Бу футболчи Мексика чемпионатида “Леон” клуби шарафини ҳимоя қилаётган эди.
El Pais нашрининг маълум қилишича, Фонсекани “Леон” машғулотига кетаётган пайтда ўғрилашган. Бир гуруҳ қуролланган шахслар йўлда футболчининг машинаси эгаллаб олган.
Босқинчилар Фонсекани икки соат ушлаб тургандан кейин воқеа содир бўлган жойдан 25 километр узоқликда машинадан улоқтириб, хилват жойга ташлаб кетган.
Сўнгги маълумотларга қараганда, Фонсека ўзини яхши ҳис қилмоқда ва Мексика чемпионатининг навбатдаги учрашувларида иштирок этишга тайёрлигини билдирган.
Фонсека Италиянинг “Новара” клуби тарбияланувчиси ҳисобланади. Фаолияти давомида Уругвайнинг “Ривер Плейт” ва “Уондерерс” жамоаларида ҳам ўйнаган. Шунингдек, Аргентинанинг “Ривер Плейт” клубида икки йил тўп тепганидан кейин 2025 йилнинг 15 январь куни “Леон” сафига қўшилган эди.
Фикрлар