Тьерри Анри: Бу "Барселона"ни ҳеч ким енга олмайди!

"Барселона"нинг франциялик собиқ ҳужумчиси Тьерри Анри Испания Ла Лигасининг 11-туридан ўрин олган "Реал"га (4:0) қарши ўйинда қозонилган йирик ҳисобдаги ғалабадан сўнг "кўк-анорранглилар" ҳақида фикр билдирди.

“Европа жамоалари “Реал”дан, “Реал” эса “Барса”дан қўрқади. "Барселона" ҳисоб-китоб жамоасига айланди. "Бавария"дан кейин навбат "Реал"га келди. Ламин Ямал Месси, Рафинья Роналдиньо, Педри эса Иньеста каби ўйнади. Ҳудди 2011 йилги “Барселона”ни томоша қилаётгандекман. Жамоа аввалги ҳолатига қайтди. Уни ҳеч ким тўхтата олмайди. У ҳамма турнирларда ғалаба қозонади, унга қарши чиққан ҳар қандай жамоа бугунгидек жазоланади", — деди Анри Mundo Deportivo нашрига берган интервьюсида.