Террига "Челси"да ўйнаган пайтлари фақатгина 2 та клуб харидор бўлган

Англиялик машҳур ҳимоячи Жон Терри "Челси"да тўп сурган пайтларида фақатгина 2 та клуб уни сотиб олиш истагини билдирганини айтди.

“Челси”да ўйнаб юрган пайтларим фақат 2 та клуб мен билан шартнома имзолашни хоҳлаган. Биринчиси "Хаддерсфилд" бўлган. Ўшанда Жанлука Виалли мени қўйиб юбормаганди.

Иккинчи таклиф "Манчестер Сити"дан бўлган. Улардан расмий таклиф келиб тушган. Мен эса “Челси” билан шартномамни узайтирганим учун ҳеч қаерга кетмаслигимни айтганман”, - дейди Терри.

Жон Терри “Челси” сафида 1998 йилдан 2017 йилгача тўп сурган ва 17 та соврин қўлга киритган.