Tezkor! “Manchester Yunayted” Erik ten Xagni haydadi

“Manchester Yunayted” Angliya Premer-ligasining navbatdagi turida “Vest Xem”dan mag‘lubiyatga uchragan edi.

Bu natija klub rahbariyatiga keskin qaror qabul qilishiga turtki bo‘ldi.

- Jamoa o‘yini va ko‘rsatkichlaridan qoniqmagan klub xo‘jayinlari niderlandiyalik bosh murabbiy Erik ten Xagni iste’foga chiqarishga qaror qildi, - deb xabar bermoqda The Athletic nashri.

Erik ten Xag jamoani 2022 yilning yozida qabul qilib olgandi. Bir necha oy klub kutilmaganda niderlandiyalik mutaxassis bilan amaldagi shartnomasi 2026 yilning yarmigacha uzaytirdi.

Yozgi transferlarda o‘zi istagan futbolchilar olib berilganiga qaramay, Erik ten Xag jamoa o‘yinini ijobiy tomonga o‘zgartira olmadi.