Тезкор! Месси Эквадорга қарши ўйинда майдонга тушади

Аргентина терма жамоаси ва "Интер Майами" клуби футболчиси Лионель Месси "Копа Америка-2024" чорак финали доирасида Эквадорга қарши ўйинда майдонга тушади.

"TyCSports" хабарига кўра, форвард мазкур ўйинни ўтказиб юбормайдиган бўлди.

Аргентина терма жамоаси сардори аввалроқ гуруҳ босқичида Чилига қарши ўйинда мушаклари шикастланган, шундан сўнг Перу билан ўйинда иштирок этмаганди. Бироқ, таъкидланганидек, у энди жароҳатидан фориғ бўлди.

Маълумот ўрнида, "Копа Америка-2024" чорак финал ўйинида Аргентина Эквадорга қарши майдонга тушади. Баҳс бугун Тошкент вақти билан 06:00 да старт олади.