Тим Цзюнинг кейинги рақиби ва жанг санаси эълон қилинди

5 апрель куни Австралиянинг Вуллонгонг шаҳрида катта бокс оқшоми бўлиб ўтади. Ушбу турнирнинг марказий жангида биринчи ўрта вазн тоифасида (69,9 кг) собиқ жаҳон чемпиони Тим Цзю ҳамда мағлубият нималигини билмай келаётган албаниялик боксчи Дэнис Нуржа ўзаро рингга кўтарилади.

Ушбу баҳс ўрта вазн тоифасида (72,6 кг) ўтказилиши режалаштирилган.

Маълумот учун, 31 ёшли Тим Цзю профессионал фаолиятини 2016 йилда бошлаган. У 2023 йилда биринчи ўрта вазн тоифасида жаҳон чемпиони унвонини қўлга киритган. Австралиялик боксчи охирги жангини ўтган йил декабрь ойида ўтказиб, америкалик Энтони Валаскес устидан ҳакамларнинг якдил қарорига кўра ғалаба қозонган эди.

Албаниялик Дэнис Нуржа эса ҳозирга қадар профессионал фаолиятида 20 та жанг ўтказиб, барчасида ғалаба қозонган (9 таси нокаут билан).