Тимур Кападзе Ўзбекистон U-19 терма жамоаси бош мураббийи!

Хабарингиз бор, келаси йили юртимизда ёшлар ўртасида Осиё чемпионати ўтказилади. Ушбу нуфузли турнирнинг мезбони сифатида қатнашадиган Ўзбекистон U-19 терма жамоасининг олдига эса юксак вазифалар қўйилмоқда.

Маълумки, бунгача ушбу терма жамоага бош мураббийлик қилиб келган Отабек Ғуломхўжаев ва унинг мураббийлар штаби яқинда ўз вазифасидан озод этилганди. ЎФА раҳбарияти эса Ўзбекистон U-19 терма жамоасига Тимур Кападзени бош мураббий этиб тайинлади. Билсангиз, у Ўзбекистон миллий терма жамоасида Вадим Абрамовга ҳам ёрдам бериб келаётганди. Энди эса у ёшлар терма жамоасида ҳам жиддий ишга киришди. Қолаверса, Кападзенинг ўзи ҳам ёшлар терма жамоасига бош мураббий бўлганини тасдиқлади. Янги лавозимда Кападзега муваффақият тилаймиз.

P.S. Яқин вақтлар ичида Кападзе билан уюштирилган суҳбатни ўқишингиз мумкин. Sports.uzдан узоқлашманг.

Фикрлар

Фикр қолдириш учун авторизациядан ўтинг!