Тожикистон чемпионати учрашувлари олдидан Ўзбекистон ва бошқа қардош мамлакатларни қўллаб-қувватлаш акцияси бошланди (ФОТО)

Хабарингиз бор айни дамда коронавирус туфайли дунёнинг саноқли мамлакатларидагина чемпионатлар давом эттирилмоқда. Тожикистон чемпионати ҳам шулар жумласидандир.

Қўшниларимиз футбол учрашувларидан олдин бундан синовли кунларда қардош мамлакатларни қўллаб-қувватлашмоқда. Ўзбекистон профессионал футбол лигаси бош директор ўринбосари Диёр Имомхўжаев ўзининг телеграмдаги саҳифасига қуйидаги суратни жойлаштирди. Унда: "Биз сиз ва бутун дунё аҳли учун ибодатдамиз", - деган сўзлар ёзилган.

Шу ўринда, Тожикистон чемпионатида ўнлаб ўзбекистонлик футболчилар тўп суришаётганини алоҳида қайд этиш лозим.