Тожикистон терма жамоаси ҳужумчиси "Қизилқум" шарафини ҳимоя қилади

“Қизилқум” жамоаси куни кеча Ўзбекистон миллий терма жамоаси ҳимоячиси Ислом Тўхтахўжаев билан шартнома имзолаганди. Бу сафар яна бир харидни амалга оширгани маълум бўлди.

Тожикистон миллий терма жамоасининг ҳужумчиси Жаҳонгир Эргашев янги мавсумни “Қизилқум” сафида ўтказадиган бўлди. Бу борада Тожикистон футбол федерацияси матбуот хизмати хабар бермоқда.

Шунингдек, унинг Суперлигага кўчиб ўтгани ҳақидаги хабарни футболчининг агенти ҳам тасдиқлади. Эргашевнинг охирги клуби Тожикистоннинг “Хўжанд” жамоаси эди ва кумуш медални қўлга киритди. Жаҳонгир “Қизилқум” сафида 62-рақамда тўп суради.