Тожикистон U-23 бош мураббийи: "Саудияликларни йирик ғалаба билан табриклайман!"

Саудия Арабистони U-23 ҳамда Тожикистон U-23 терма жамоалари ўртасидаги беллашувда саудияликлар йирик 5:0 ҳисобида ғалаба қозонди. Тожикистон олимпия терма жамоаси бош мураббийи Аслиддин Хабибуллоев беллашувдан кейин қисқача ўз фикрларини гапириб ўтди.

"Қийин ўйин бўлди. Саудия Арабистони жамоасини йирик ғалаба билан табриклайман! 

Саудияликлар кучли рақиб эканини билардик. Бироқ уларни тўхтатиб қолиш йўлини топа олмадик. 

Ўша пайтда бизнинг даражамиз билиниб қолди. Шу ўринда, мен жамоани қўллаб-қувватлаш учун келган тожикистонлик мухлисларга миннатдорчилик билдирмоқчиман. Улардан узр сўрайман! 

Иккинчи бўлимда ўйинни ўзгартириш учун тактик иш олиб бордик. Аммо бу самара келтирмади", - деди мутахассис.