Тожикистон ва Россия ўртасидаги ўйинда ўзбекистонлик ҳакамлар ишламоқда

Футзал бўйича Тожикистон ва Россия терма жамоалари ўртасидаги иккита халқаро ўртоқлик учрашувини ҳамюртларимиз ФИФА ҳакамлари — Анатолий Рубаков ва Никита Афиногенов бошқариб боришмоқда. Уларга захира ҳакамлари сифатида тожикистонлик ФИФА реферилари — Бехруз Муртазоев ва Сухроб Сатторовлар ишлайди.

Эслатиб ўтамиз, футзал бўйича Тожикистон ва Россия терма жамоалари ўртасидаги ўртоқлик учрашувлари кеча ва бугун ўтказилади. Кечаги баҳсда қўшниларимиз россиялик футзалчиларни 10:7 ҳисобида мағлубиятга учратишган.

Бугунги баҳс Душанбедаги кўп функцияли спорт мажмуаси – Теннис ва сув спорти саройида Тошкент вақти билан 20:00 да бошланади.