Тожикистоннинг БААга қарши ўйинида Суперлигамиздаги легионерларидан кимлар майдонга тушди?

Ён қўшнимиз – Тожикистон миллий терма жамоаси кеча Абу-Дабида БАА миллий терма жамоасига қарши ўртоқлик учрашувида майдонга тушди.

Ушбу ўйинда дарвозалар дахлсиз қолди – 0:0. Тожикистон терма жамоаси сафида Суперлигамизда тўп сураётган легионерлардан бир нечтаси майдонга туширилди. Жумладан, Зоир Жўрабоев (“Нефтчи”), Манучехр Сафаров (“Локомотив”) ва Муҳаммаджон Раҳимов (“Насаф”) ўйинни асосий таркибда бошладилар.

Тожикистон: Рустам Ятимов, Сиёвуш Асроров, Зоир Жўрабоев, Табрез Исломов, Манучехр Сафаров, Амирбек Жўрабоев, Комрон Турсунов (Шервони Мабатшоев, 74), Муҳаммаджон Раҳимов (Алижони Айни, 79), Эхсони Паншанбе, Алишер Жалилов (Парвизжон Умарбоев, 74), Манучехр Жалилов (Шахром Самиев, 79).

Тожикистон навбатдаги ўртоқлик ўйинини 28 март куни Қувайт термасига қарши ўтказади.