Токио-2020. Футбол бўйича илк финалчи маълум

Эркаклар ўртасида футбол бўйича Олимпиаданинг ярим финал босқичидан ўрин олган илк ўйин бўлиб ўтди. Бразилия терма жамоаси Мексикага қарши майдонга тушиб, пенальтилар сериясида ғалаба қозонди.

Учрашувнинг асосий ва қўшимча бўлимларида ҳисоб очилмади. Ғолиб пенальтилар сериясида аниқланди. Дани Алвес, Габриэл Мартинелли, Бруно Гимарайнс ва Рейнер 11 метрлик нуқтадан аниқ зарба йўллади. Мексикаликлар сафида эса фақатгина Карлос Родригес гол урди. Шу тариқа, Бразилия 4:1 ҳисобида мағлуб этди. 

Иккинчи финалчи номи Япония ва Испания термалари ўртасидаги ўйиндан сўнг маълум бўлади.