Tokio-2020. Ilk oltin medal egasi ma’lum

Tokio-2020 Olimpiya o‘yinlarida dastlabki medallar egalari aniq bo‘ldi. Biroz avval ayollar o‘rtasida 10 metrdan miltiqdan otish bahsida Olimpiadaning ilk g‘olibini bilib oldik.

Murosasiz kechgan final bellashuvida xitoylik Tsian Yang 251.8 ochko jamg‘arib, eng yaxshi natijani qayd etdi. Ta’kidlash joiz, bu yangi Olimpiada rekordi hamdir. Ikkinchi o‘rin rossiyalik Anastasiya Galashina (251.1) va uchinchi pog‘ona shveytsariyalik Nina Kristenga (230.6) nasib etdi.

Eslatib o‘tamiz, ushbu yo‘nalishda qatnashgan vakilimiz Muxtasar Tohirova 33-natija bilan ushbu dasturni yakunlagan.