Япония Токио-2020 Олимпиада ўйинларини хорижлик томошабинларсиз ўтказишга қарор қилди. Бу ҳақда KIODO агентлиги хабар бермоқда.

Бу масала ўтган ҳафтада Япония ҳукумати вакилларининг Халқаро олимпия ва паралимпия қўмиталари вакиллари билан ўтказган онлайн учрашувида кўтарилганди. NHK телеканалининг хабар беришича, 25 март куни Японияда олимпия машъаласи эстафетасининг бошланиш маросими ҳам томошабинларсиз ўтиши кутилмоқда.

Эслатиб ўтамиз, Токио Олимпия ўйинлари жорий йилнинг 23 июль-8 август кунлари, Паралимпия ўйинлари эса 24 август-5 сентябрь кунлари бўлиб ўтади.

Матнда хатолик топсангиз, ўша хатони белгилаб, бизга жўнатинг (Ctrl + Enter)