Том Аспиналл энди октагонга қайтмайди(ми?)

UFC собиқ чемпиони Деметриус Жонсон англиялик Том Аспиналлнинг жангларга қайтишига ишонмаяпти.

"Аспиналлнинг UFC камарини бўшатиш ҳақидаги қарори, аслида, профессионал фаолиятини якунлашини англатади.

Агар Том яна октагонга чиқса, ҳайратда қоламан. Амммо шуни ҳам унутмаслик керак: ҳар сафар жанг ва машғулотларга келганда, кўз хавф остида бўлади. Мен энг ёмон сценарий ҳақида ўйлаяпман. Унинг ўрнида бўлганимда кўриш қобилиятим ва фарзандларимни кўриш имкониятини хавф остига қўймасдим", - деди Жонсон ўз подкастида.

Эслатиб ўтамиз, куни кеча Том Аспиналл кўзидан қайта жароҳат олгани, бу эса унга яқин келажакда октагонга қайтиш имконини бермаслигини айтиб, UFC чемпионлик камарини бўшатганини маълум қилди.