Торрейра яна жамоасини алмаштирмоқчи

Уругвайлик ярим ҳимоячи Лукас Торрейра қишки трансферлар даврида жамоасини ўзгартирмоқчи.

Marca нашри тарқатган хабарга қараганда, 24 ёшли футболчи “Атлетико”да ўйин амалиётисиз қолаётганидан норози бўлмоқда ва январда “Арсенал”га қайтиб кетмоқчи.

Торрейра ёзда “Арсенал”дан ижара асосида “Атлетико”га кўчиб ўтган эди. У ҳозирча “матрасчилар” сафида 9 та ўйинда майдонга тушди ва 1 та гол урди.