Тошкент жиу-житсу бўйича нуфузли турнирга мезбонлик қилади!

Маълумки, жаҳон спорт оламида жиу-житсу тобора ўз ўрнига эга бўлиб бормоқда. Жумладан, Осиё ўйинларига киритилганлиги ҳам бунга мисол бўла олади. Шунингдек, турли хил нуфузли мусобақлар ҳам мухлислар томонидан илиқ кутиб олинмоқда. Албатта, юртимизда ҳам ушбу яккакураш тури жадал суръатларда ривожланиб бормоқда ва халқаро турнирларга мезбонлик ҳам ишониб топшириляпти. 
Яқиндагина Ўзбекистон жиу-житсу федерацияси томонида AJP турнири юқори даражада ташкил этилган эди. Энди эса яна бир рейтинги жиҳатидан юқори ўринларнида эътироф этилувчи Осиё чемпионати, AIGA ҳам Тошкентда бўлиб ўтади. Мазкур турнирда 10 дан ортиқ мамлакатлар ва 1000 дан ортиқ иштирокчи ғолиблик учун баҳс юритишади. 
Ушбу турнир 5-8 сентябрь кунлари "Универсал" спорт саройида бўлиб ўтади.