Тошкентда велотрек бўйича нуфузли мусобақа ўтказилмоқда

Тошкент шаҳар Олмазор туманидаги велотрек мажмуасида Ўзбекистон велосипед спорти федерацияси томонидан 2019 йил календарь режасига мувофиқ велотрек бўйича эркаклар, аёллар ва 2003-2004 йилларда туғилган ўсмирлар ўртасида А.Юдин хотирасига бағишланган Республика очиқ турнирига старт берилди.

Мусобақа мамлакатимизда иқтидорли спортчиларни селекция қилиш, ғолиб ва совриндор бўлган спортчиларни Ўзбекистон терма жамоалар заҳираси ва асосий таркибига қўшиши, шунингдек уларни терма жамоа сафида жорий йилнинг 17-21 октябрь кунлари Жанубий Кореяда катталар ва ўсмирлар иштирокида бўлиб ўтадиган трек бўйича Осиё чемпионатига тайёрлаш мақсадида ўтказилмоқда.